१७ वर्षीय किशोरीको हत्या प्रयास गर्ने युवक सार्वजानिक

मानेभञ्ज्याङ गाउ पालिका वडा नं ५ धिम्ले, ओखलढुङ्गामा एक १७ वर्षीय किशोरीको हत्या प्रयासमा संलग्न युवक सार्वजानिक भएको छ ।
मानेभञ्ज्याङ-९ माधवपुर स्थायी घर भएका २७ वर्षीय टंकराज राईले सो अभिक्त प्रहरी समक्ष स्विकार गरेको हो । अभियुक्त राई हत्या गरि भाग्ने क्रममा आइतबार साभm सिन्धुलीको नेपालथोकबाट पक्राउ परेको हो ।

प्रहरीको बयानको क्रममा आफुले हत्या प्रयास गरेको स्वीकारेपछि पत्रकार सम्मेलनगरि अभियुक्तलाई सार्वजानिक गरिएको ओखलढुङ्गा जिल्ल्लाको प्रहरी प्रमुख प्रहरी नायव उपरीक्षक सुकदेव खनालले बताउनु भयो ।

गत शनिबार आमासंगै सुतेको किशोरी विहान घर भन्दा केही पर अचेत अबस्थामा भेटिएको थियो । स्थानीयहरुले प्रहरीलाई खबर गरेर उद्धार गरि उपचारका लागि ओखलढुङ्गा सामुदायीक अस्पताल सोब्रु ल्याईएको र घाइतेलाई गम्भिर चोटपटक लागेको कारण त्यहा उपचार हुन नसक्ने अस्पतालले जनाएपछि तत्कालै हेलिकप्टरबाट काठमाण्डौको शिक्षण अस्पताल ल्याइ संघन कक्षामा उपचार भइरहेको छ ।

उपचारपछि केही चेत खुलेको र पिडित किशोरको बयानको अधारमा अभियुक्त राई पक्राउ परेको हो ।
घाइते किशोरीको प्रकृति हेर्दा बलत्कारपछि हत्या प्रयास गरेको जस्तो देखिएपनि हालसम्म फेरेन्सिक ल्याब रिपोर्ट नआएकोले केही थाहा नभएको प्रहरी नायव उपरीक्षक खनालले बताउनु भयो ।

अभियुक्त राई र घाइते किशोरीवीच केही समयदेखि प्रेम सम्बन्धमा रहेकोले आन्तरिक खटपटको कारण यति ठुलो घटना भएको घाइते युवतीको आफन्तले बताएकाछन ।

. . . . . . . . . . . . . . . . . . . . . . . . . . . . . . . . . . . . . . . . . . . . . .

तपाईसँगसमसामयिकसन्दर्भमाकुनैलेख\रचना, समाचार, प्रेसनोटहरु, सल्लाह, सुझावरप्रतिक्रियाभएमाहामीलाईपठाउनुहोला।