चर्चित व्यक्तित्वहरूबाट नै यौन हिंसा

पछिल्लो समय नेपालमा चर्चित व्यक्तित्वहरूबाट नै यौन हिंसा बढ्दै गएको छ । नायक पल शाह काण्ड सेलाउन नपाउदै चर्चित क्रिकेट कप्तान सन्दिप लामिछाने काण्ड बाहिरीएको छ ।

एक १७ वार्षीय नाबालिकाले आफुलाई क्रिकेटर सन्दीप लामिछानेले होटलमा लगेर बलत्कार गरेको आरोप लगाउदै गौशाला प्रहरीमा किटानी जाहेरी दिएपछि घटना बाहिरिएको हो ।

किटानी जाहेरीपछि प्रहरीले होटलको सिसिटिभि फुटेज संकलन गरि अनुसन्धान थालेको छ ।

फुटेजमा आरोपित लामिछाने र पिडित युवती भदौ ५ गते राती ११ बजेर ५५ मिनेटमा ११स्५५ मिनेटमा सिनामंगल स्थित एक होटलमा प्रवेश गरेको र भालि विहान पौने ७ बजेतिर होटलबाट बाहिरिएको देखिएको छ ।

पिडित युवतीले आफुलाई लामिछानेले दिनभरी नगरकोट घुम्न लगेको र जानीजानी रात पारेर होटलमा लगि पटक–पटक करणी गरेको जाहेरीमा उल्लेख गरेकीछिन ।

उपत्यका प्रहरी कार्यालायका प्रमुख, प्रहरी अतिरिक्त महानिरीक्षक (एआईजी) रवीन्द्रबहादुर धानुकले लामिछानेलाई चाडै पक्राउ गरी अनुसन्धान गरिने बताउनु भयो ।

जिल्ला अदालत काठमाण्डौंले आरोपित लामिछानेलाई पक्राउ अनुमति दिइसेकोले लामिछाने पक्राउ पर्ने भएको हो ।

जिल्ला अदालत काठमाण्डौँले पक्रउन अनुमति दिएसंगै क्रिकेट संघ नेपाल क्यानले क्याप्टन लामिछानेलाई निलम्बन गरेको छ ।

अदालतले नै पक्राउ पुर्जी जारिगरेपछि आरोपित माथि कानुन बमोजिम अनुसन्धानको लागि मार्गप्रशस्त गर्न लामिछानेलाई निलम्बन गरिएको क्यानका कार्यवाहक सचिव प्रशान्त मल्लले बताउनु भयो ।

लामिछानेले भने आफू निर्दोष भएको र सीपीएल सकिनेबित्तिकै वेस्ट इन्डिजबाट नेपाल फर्किएर सो घटना तथा कानुनको सामना गर्ने बताउनु भयो ।

लामिछाने नेपाली टोलीको नेतृत्व गर्दै उनी केन्याविरुद्ध ट्वान्टी–२० अन्तर्राष्ट्रिय शृंखला खेल्न भदौ ६ गते नैरोबी प्रस्थान गरेका थिए  ।

प्रहरीले लामिछानेविरुद्ध मुलुकी अपराध संहिता २०७४ अनुसार अनुसन्धान सुरु गरेको छ ।

संहिताको दफा २१९ मा ‘कसैले कुनै महिलालाई निजको मञ्जुरी नलिई करणी गरेमा वा मञ्जुरी लिएर भए पनि १८ वर्षभन्दा कम उमेरको कुनै बालिकालाई करणी गरेमा निजले त्यस्तो महिला वा बालिकालाई जबर्जस्ती करणी गरेको मानिनेछ’ उल्लेख छ ।

संहितामा १६ देखि १८ वर्ष उमेरको नाबालिग किशोरीलाई जबर्जस्ती करणी गरेको पुष्टि भएमा १० वर्षदेखि १२ वर्षसम्म कैद सजाय हुने उल्लेख छ ।

पीडितलाई प्रहरीले ‘एकद्वार संकट व्यवस्थापन केन्द्र’मा विस्तृत स्वास्थ्य परीक्षण गराएको छ ।

. . . . . . . . . . . . . . . . . . . . . . . . . . . . . . . . . . . . . . . . . . . .

तपाईसँग समसामयिक सन्दर्भमा कुनै लेख\रचना, समाचार, प्रेसनोटहरु, सल्लाह, सुझाव र प्रतिक्रिया भएमा हामीलाई पठाउनु होला।