निर्देशक वाम्बुलेको पिताको पटेल्लोको सल्याक्रिया

चलचित्र निर्देशक तथा सञ्चारकर्मी चन्द्र वाम्बुलेको पिता नवल राईको पटेल्लो (घुँडाको पाङ्ग्रा)को सल्याक्रिया सफल भएकोछ ।

मानेभञ्ज्याङ गाउपालिका २, वाक्सा होल्माफूका राई गत असोज ४ गते विहानै बाख्रालाई घाँस जाने क्रममा खेतको ठाडो कुलोमा चिप्लेर लड्दा चुच्चे ढुङ्गाले घुँडाको पाङ्ग्रा फुटेपछि ओखलढुङ्गा सामुदायिक अस्पताल सोब्रु तथा रुम्जुटारमा समेत उपचार नहुने भएपछि तत्कालै राष्ट्रिय ट्रमा सेन्टर काठमाण्डौँमा उपचारको लागि ल्याइएको हो ।

विमारीहरूको अत्याधिक चाप, बडा दशैको छेक परेको तथा घँडा बजारिएर सुनेकोले दशैपछि मात्रै सल्यक्रिया गर्ने चिकित्सकहरूले बताए पनि अत्याधिक व्यस्त समयको बेला परेकोले, हुनेसम्म चाँडो सल्यक्रिया गराउने निर्देशक वाम्बुलेको अनुनय विनय पश्चात डा. हरिकृण गुरुङको समुहले तत्ककालै सल्याक्रिया गरिदिए ।

घुँडाको पाँङ्ग्रा फुटेर आधा भाग भित्र भासिएको र आधा भाग माथिलो तर्फ सरेकोले सल्याक्रिया ४ घण्टाको अवधिमा सफल भयो ।
सल्यक्रिया पश्चात घाइते राई समान्य अवस्थामा फिर्किसकेको निर्देशक वाम्बुलेले बताए ।

निर्देशक वाम्बुले २ दशक देखि सञ्चार र चलचित्र क्षेत्रमा सकृयपूर्वक लागेका व्यक्ति हुन । उनैले निर्देशन गरेको चलचित्र सुम्निमा नेपाल सरकारको सर्वोत्कृष्ट सास्कृतिक चलचित्र पुरस्कार बिजेता पहिलो आदिवासी चलचित्र हो ।

चलचित्र सुम्निमा विश्वको तेस्रो लोकप्रिय अन्तराष्ट्रिय फिल्म फेस्टिभल आइफामा नोमिनेशन हुँदै न्यूयोर्क फिल्म फेस्टिभलमा सर्वोत्कृष्ट कथा पुरस्कृत चलचित्र हो ।
होल्माफू तिनै ऐतिहासिक चलचित्र सुम्निमाको ९०% छायाङ्कन भएको गाउ हो भने नवल राई सो चलचित्रको कलाकार समेत हुन ।

. . . . . . . . . . . . . . . . . . . . . . . . . . . . . . . . . . . . . . . . . . .

तपाईसँग समसामयिक सन्दर्भमा कुनै लेख\रचना, समाचार, प्रेसनोटहरु, सल्लाह, सुझाव र प्रतिक्रिया भएमा हामीलाई पठाउनु होला।