९४ वर्षका एकजना बाजेलाई घरभाडा तिर्न नसकेपछि घरपट्टीले निकाला गर्यो । उनले घर मालिकलाई केही समयको लागि वस्न पाउ भनि निकै बिन्ती गरे । तर घरपट्टीले मान्दै मानेनन्। ती वृद्धा लाई घरवाट निकाल्न लागेको हल्ला सुनेर छिमेकीहरू जम्मा भए र उनीहरूले केही समय दिन घरपट्टीलाई जसोतसो मनाए ।
यो घटना संयोगले बाटो हिंड्दै गरेका जना पत्रकारले देखेका रहेछ । उसले यस घटनाको समाचार बनाउँदा रुचिकर बन्छ भन्ने ठानेर केही फोटा सहित समाचार तयार गरी आफ्नो पत्रिकाको संपादक समक्ष पेश गर्यो । पत्रकारले नचिने पनि सम्पादकले ती वृद्ध को थिए ,चिन्हीहाले ।
भोलिपल्टै अखबारको मुखपृष्ठमा तस्बिर सहितको सनसनीपूर्ण खबर छापियो । शीर्षक थियो – “भारतका पूर्व प्रधानमंत्री गुलजारीलाल नन्दाको अवस्था !” समाचारको पेटबोलीमा उनको यो हालत सविस्तार खुलाइएको थियो । यसले सारा भारतभर ठूलो सनसनी फैलियो । समकालीन नेताहरू ऐश्वर्य र वैभवमा पौडी खेलिरहँदा दुई पटकसम्म भारतको प्रधानन्त्री (नेहरु र लालबहादुर शास्त्रीको मृत्यु पश्चात् १९६४ र १९६६ मा) र कैयौंपटक प्रदेश र संघीय सरकारमा मन्त्री बनेका यस्ता हस्तीको यो दुरावस्थाले सबैलाई छोयो ।
(गुलजारीलाल नन्दालाई स्वतत्रता सेनानीको नाताले मासिक रु.५००/- भत्ता मिल्थ्यो र यो पनि उनले सबैको दबाबमा अनिच्छापूर्वक स्वीकार गरेका थिए । यसैबाट उनको कोठाभाडा तिर्ने र आफ्नो सारा गुजारा चल्ने गर्थ्यो ।)
तुरुन्तै प्रधानमन्त्री, मन्त्रीहरू र सबै ठूलाबडाका गाडी उनी बसेको ठाउँमा ताँती लागे । अब बल्ल घरमालिकलाई आफ्नो घरमा गुमनाम बस्ने ती व्यक्ति अरू नभएर स्वयं गुलजारीलाल नन्दा रहेछन् भन्ने थाह भयो । सरकारको तर्फबाट उनलाई सरकारी आवास दिने प्रस्ताव गरियो तर उनले “मलाई यो वृद्धावस्थामा सुविधायुक्त सरकारी निवासको के अर्थ छ र?” भनेर साफ इन्कार गरे र अन्तिम दिनसम्म त्यही एउटा कोठामा अत्यन्तै सादगीपूर्ण जीवन गुजार्दै १०० वर्षको उमेरमा देह त्याग गरे ! सामाजिक सञ्जालबाट साभार ।(facebook.com/photo/?fbid=2815657661914156&set=pb.100004098492506.-2207520000.)
