सिद्धिचरण नगरपालिका वडा नं ७ बिगुटार, ओखलढुंगा घर बताउने उमेर अन्दाजी २७/२८ बर्षका नाम बिवश पराजुली भनेर नाम बताउने उनको वास्तविक नाम राजन कटवाल भएको खुलेकोछ ।
पुरानो घर बिगुटार र हालको घर रमाइलो डाँडा ओखलढुङ्गामा रहेको खुलेकोछ । मानसिक सन्तुलन गुमेको अबस्थामा काठमाण्डौैको चावहील क्षेत्रमा बेवारिसे अबस्थामा फेलापरेपनि एभरेष्ट न्यूज क्रिउले खोजीगर्दा सो व्याक्ति लामो समयदेखि लागुऔषध तथा कुलतमा फसेको खुलासा भएकोछ ।
विगुटारको चेतबहादुर कटुवाल र टिकामाया कटुवालको जेठा छोराको रुपमा जन्मेका राजन कटुवाल लामो समयदेखि कुलतमा फसेर घर परिवारलाई समेत तनाब दिएकोले खोजतलास नगरेको खुलेकोछ ।
पटक पटक सुधारकेन्द्रमा पु¥्याएर उपचार गराएपनि नसुध्रिएको बताइएकोछ । लामो समयदेखि कुलतमा फसेको कटुवाललाई २ पटकसम्म सुधार केन्द्रमा घरपरिवारले उपचारको लागि पुरा्यएर उपचार गराउद समेत ठिक नभएको र सुधार केन्द्रबाट फर्केपछि बुबा चेतबहादुर कटुवाललाई टाउकोमा गम्भिर चोट लाग्ने गरि कुटपिट गरि बुबालाई काठमाण्डौँमा उपचार गराउनु परेको जानकारी प्राप्त भएकोछ ।
पछिल्लो पटक भने आमा टिकामाया कटुवाललाई कुटपिट गरि घरबाट हिँडेपछि घर परिवारले खोजी नगरेको स्रोत खुलेकोछ । स्रोतको अनुसार निज कटुवालको माइला भाइ ट्र्याक्टर ड्राइभर छन भने कान्छा भाइ भेट्नरी पढ्दै गरेको बताइएकोछ ।
