मानेभञ्ज्याङ गाउ पालिका वडा नं ४, केत्तुके ओखलढुङ्गामा गएराती पहिरो जाँदा ४ घर जोखिममा परेको छ ।
मुसलधारे पानी परेर सडकको नाली जाम भएर नालीको पानी तथा लेदो बस्तीमा पसेपछि पहिरो गएको सोही वडाका वडा अध्यक्ष विष्णु तामाङले बताउनु भयो ।
पहिरोले राज तामाङ, प्यारीमाया तामाङ, मति तामाङ र बुद्ध तामाङको घर जोखिम रहेकोछ । पहिरोले जोखिम पारेपछि उद्धार तथा विपद व्यवस्थापनको पहल स्थानीय तहले प्रहरी सहयोगमा जिल्ला प्रशासन अोखलढुङ्गालाई पहल गर्ने तथा गाउपालिकाले पनि केही रकम उपलब्ध गराउने तयारी रहेको वडा अध्यक्ष तामाङले बताउनु भयो ।
राज तामाङको घरको किचेनमा केही क्षेतिपुगे पनि अन्य घरहरूलाई केही भएकोछैन । पानी परिरहेको बेलामा भएको र लेदो कम बगेकोले घर तथा मानवीय क्षेति नभएको स्थानीयबासी धनबहादुर गोलेले बताउनु भयो ।
पहिरो रोकमथामको लागि जिल्ला भू तथा जलाधार संरक्षण समिति मार्फत तारजाली मगाएर लगाउने पहल समेत भएको अध्यक्ष तामाङले बताउनु भयो । केत्तुके तामाङ समुदायको सघन बस्ती हो ।
