कान्तिपुर मिडिया ग्रुपविरुद्ध नेपाल पत्रकार महासंघले अनिश्चितकालीन दबाबमूलक आन्दोलनको घोषणा गरेकोछ ।
नेपाल पत्रकार महासंघले श्रमजीवी पत्रकार ऐनअनुसार पत्रकारले उठाएका जायज माग यथाशीघ्र सम्बोधनका लागि दबाब दिने उद्देश्यले कान्तिपुर मिडिया ग्रुपविरुद्ध अनिश्चितकालीन दबाबमूलक आन्दोलनको घोषणा गरेको हो ।
महासंघले असोज २९ गते प्रेस विज्ञाप्ति जारी गर्दै आन्दोलनेको घोषणा गरेको हो । महासंघको विज्ञाप्तिमा भनिएको छ
”नेपाल पत्रकार महासंघले श्रमजीवी पत्रकार ऐनअनुसार पत्रकारले उठाएका जायज माग यथाशीघ्र सम्बोधनका लागि दबाब दिने उद्देश्यले कान्तिपुर मिडिया ग्रुपविरुद्ध अनिश्चितकालीन दबाबमूलक आन्दोलनको घोषणा गरेको छ ।
कान्तिपुर मिडिया ग्रुपमा लामो समयदेखि उब्जिएको श्रमजीवी पत्रकारको समस्याका सवालमा पछिल्लो समय कान्तिपुरको व्यवस्थापन पक्ष र पत्रकारका प्रतिनिधिबीच भएको सहमतिलाई वहुसंख्यक पत्रकारले अस्वीकार गरेपछि श्रमजीवी पत्रकार ऐनअनुसार पत्रकारले उठाएका जायज माग यथाशीघ्र सम्बोधनको लागि दबाब सिर्जना गर्न नेपाल पत्रकार महासंघले आन्दोलनको घोषणा गरेको हो ।
घोषित कार्यक्रमअनुसार नेपाल पत्रकार महासंघले २०८० असोज ३० गते मंगलबार दिउँसो ३ः०० बजेदेखि ४ः०० बजेसम्म थापाथलीस्थित कान्तिपुर मिडिया ग्रुपमा १ घण्टा धर्ना दिने कार्यक्रम रहेको जानकारी गराइन्छ । यो धर्ना श्रमजीवी पत्रकार ऐनअनुसार पत्रकारले उठाएका जायज मागहरू पूरा नभएसम्म जारी रहने सबैमा जानकारी गराइन्छ ।
व्यवस्थापन पक्षले निष्कासन गरेका ८२ पत्रकारको पुनर्वहाली, अनधिकृत सरुवाको बदर र श्रमजीवी पत्रकार ऐनको पूणर् कार्यान्वयलगायतका मागहरू अविलम्ब पूरा गर्न नेपाल पत्रकार महासंघले कान्तिपुर मिडिया ग्रुपसमक्ष पटकपटक आग्रह गर्दै आइरहेको थियो । घोषित कार्यक्रममा सक्रिय सहभागिता जनाउन नेपाल पत्रकार महासंघ उपत्यकास्थित आफ्ना सबै शाखाका पदाधिकारी, सदस्य तथा विभिन्न सञ्चारगृहमा कार्यरत श्रमजीवी पत्रकार, पत्रकारका संघसंगठनका प्रतिनिधिलगायत श्रमजीवी पत्रकारका पक्षधर सबैमा हार्दिक आग्रह गर्दछ । श्रमजिवी पत्रकारहरू माथि भएको विभेद र उब्जिएको समस्यको उचित सम्बोधन र समाधान नभएसम्म अन्दोलन निरन्तर रहने पत्रकार महासंघले जनाएकोछ ।”
कान्तिपुर पप्लिकेशन २०४९ साल फागुन ७ गते दैनिक प्रकाशसनबाट सेवा विस्तार गरेको पब्लिकेसन्सले २०५५ सालमा एफएम र २०६० सालमा कान्तिपुर टेलिभिजन प्रशारण सेवा विस्तार गरि निजि लगानीमा बर्चस्व रहेको स्थापित र लोकप्रिय सञ्चार माध्यम हो ।
२०७६ सालबाट अनलाइनमा समेत सेवा विस्तार गरि पत्रिका, एफ, एम, टेलिभन र अनलाइन गरि सबै माध्यमा आफ्नो पहुच विस्तार गरेको छ । यस मिडिया ग्रुपको संस्थापक तथा प्रकाशक कैलाह सिरोहिया हुन । मिडिया ग्रुपमा कारिब ८ जना कर्मचारी माध्ये ३ सयजना श्रमजिवी पत्रकारहरू रहेकाछन ।
यस पब्लिकेसन्सका ‘कान्तिपुर दैनिक’, अंग्रेजी भाषाको ‘द काठमान्डू पोष्ट’, ‘साप्ताहिक’, ‘नेपाल साप्ताहिक’ र ‘सर्वोत्तम नारी’ पाँच प्रकाशन हुन्। यसको अतिरिक्त बालपत्रिका कोपिला, शनिबारको लागि सप्लिमेन्ट्री पत्रिका कोशेली लगायतको प्रकासनमा छ ।
