शास्त्रीय गायक तथा सङ्गीतकार गुरुदेव कामतको निधन भएको छ ।
विगत पचास वर्षदेखि शास्त्रीय संगीत प्रशिक्षण, कम्पोज, र गायनका माध्यमबाट नेपाली, मैथिली, भोजपुरी र हिन्दी गीत संगीतका क्षेत्रमा उल्लेखनीय योगदान पुर्याएका साधक एवम् वरिष्ठ संगीतकार तथा गायक कामतको निधनले नेपाली शास्त्रीय क्षेत्रमा ठूलो क्षेतिपुगेको छ । गायक कामतको निधनको खबरले आम नेपाली मर्माहत भएकाछन ।
शास्त्रीय संङ्गीतमा श्रद्धाको साथ लिइने कामतको अस्वस्थ्य भएपछि चेक जाचको क्रममा गत २०८० साल चैत्रमा दुबै मृगौला फेल भएको पत्ता लागेको थियो । काठमाण्डौमा उपचार गर्न धेरै महंगो भएपछि उनी आफ्नो जन्मस्थान सिराहा जिल्लाको पोखरभिन्डा फर्किएको आफन्तले जनाएको थिए ।
कामतको विद्यार्थी, सहकर्मी लगायतको विभिन्न संघसंस्थाले सहयोग रकम संकलन गरि उनको उपचार काठमाण्डौमा गर्ने तयारी रहेपनि उनी आत्मस्वभिमानी स्वाभव भएकोले अरुको सहयोगले बाच्न असहज लागेर गाउ फर्किएको कामका निकट सहकर्मीहरूले बताएकाछन ।
दुबै मृगौला फेल भएको कारण डाइलसिसको भरमा बाचेका कामतको उपचारको क्रममा निधन भएको छ ।
