हे मेरी आमा

लोकप्रिय गायिका मनु नेम्बाङ हे मेरी आमा भिडियो सार्वजानिक भएको छ ।

गायिका नेम्बाङको जन्म थलो नवामीडाडा १, सुर्के, पाँचथर क्षेत्रमा छायाङ्कन गरिएको भिडियोमा आमा बुबा गुमाउनुको विछट्टै पिडा गायिका नेम्बाङकै अभिनयमा देख्न पाइन्छ ।

भिडियो लिंक

स्वर्गीय बुबा–मुमाको समाधि स्थलमा नै छायाङ्कन गरिएको भिडियोमा गायिका नेम्बाङको जविन्त अभिनय रहेको छ । आमा बुबाको स्मृतिमा गायिका नेम्बाङले सृजना गरेको गीतको सङ्गीत, स्वर तथा अभिनय समेत गायिका स्वयमको रहेको छ ।

चलचित्र निर्देशक तथा सञ्चारकर्मी चन्द्र वाम्बुलेको निर्देशन र सम्पादन रहेको भिडियोको छायाङ्कन बरिष्ठ सिनेमेटोग्राफी युवराज राईको रहेको छ ।

एभरेष्ट कल्चर मिडिया लगनखलेको पोष्ट प्रोडक्सन रहेको भिडियोको निर्माण सहयोगी चलचित्र निर्मात्री खेजी राईको रहेको छ ।

वर्षातको मौसम अर्थात हराभराको समयमा छायाङ्कन गरिएको भिडियोको मुल कथा मान्छेलाई सुख भित्री मन आनन्द भएमा मात्रै प्राप्त हुने र भित्री मन दुःखी भएमा बाहिर संसार जाति सुकै सुन्दर रहेपनि फिका लाग्छ भन्ने हो ।

प्रकृतिले हराभरा भएर विछट्टै सुन्दर देखिए पनि गायिका नेम्बाङले आमा बुबालाई गुमाउनु पर्दाको पिडा कुनै सुन्दर संसारले पनि पुर्ति गर्न नसकेको भिडियोको मुल सन्देश हो ।

. . . . . . . . . . . . . . . . . . . . . . . . . . . . . . . . . . . . . . . . . . .

तपाईसँग समसामयिक सन्दर्भमा कुनै लेख\रचना, समाचार, प्रेसनोटहरु, सल्लाह, सुझाव र प्रतिक्रिया भएमा हामीलाई पठाउनु होला।