३ दशक भन्दा बढि लामो समय नेपाली पत्रकारिता तथा किरात वाम्बुले मातृभाषामा अनबरत रुपमा कलम चलाएको बरिष्ठ पत्रकार गणेश वाम्बुले राई रु १ लाख राशीको रकम सहित पुरस्कृत हुने भएकोछन ।
२५ औँ अन्तराष्ट्रिय मातृभाषा दिवसको अबसरमा विशेष कायृक्रमको आयोजित गरि नेपाल प्रज्ञाप्रतिष्ठानले ”प्रज्ञा मातृभाषा साहित्य पुरस्कार २०८१” ले आज फाल्गुन ९ गते सम्मानीत गरिने प्रतिष्ठानको सदस्य सचिव डा. धनप्रसाद सुवेदीले एभरेष्ट टेलिभिजन नेटवर्कलाई बताउनु भयो ।
२०६२-०६३ जनआन्दोलनबाट प्राप्त गरेको लोकतान्त्रिक गणतन्त्रको स्थापनासंगै नेपाल बहुभाषिक, बहुजातिय मुलुकको रुपमा स्थापित भएपछि नेपाली मातृभाषाको संरक्षण र प्रवर्द्धनको लागि नेपाल पज्ञा-प्रतिष्ठानले विसं २०६६ सालदेखि विशेष काय्रक्रमको आयोजना गरि अन्तर्राष्ट्रिय मातृभाषा दिवस मनाउदै आएको छ ।
संयुक्त राष्ट्रसङ्घ महासभाले सन् १९९९ मा घोषणा गरी सन् २००० देखि फेब्रुअरी २१ तारिखका दिन अन्तर्राष्ट्रिय मातृभाषा दिवस मनाउन सुरु गरिएको हो ।
सन् १९५२ मा बङ्गलादेशमा मातृभाषा (बङ्गाली भाषा) बोल्न पाउनुपर्छ भनेर माग सन् १९५२ फेब्रुअरी २१ का दिन ढाका विश्वविद्यालयका केही विद्यार्थीहरू मारिएको दिनको संस्मरणमा यो दिवस मनाइने गरिन्छ । सन् १९९९ नोभेम्बर १७ मा युनेस्कोले पनि यस दिनलाई विशेष दिनका रूपमा स्विकार गरेको थियो ।
सन् २००० मा संयुक्त राष्ट्र सङ्घले समेत यस दिनलाई मातृभाषा दिवसका रूपमा आह्वान गरेपछि विश्वभर यो दिवस मनाउन थालिएको हो ।
