किरात(लिम्बुवान(सगरमाथा प्रदेश नाम राख्ने प्रस्ताव दर्ता प्रकृया अगाडि बढेपनि बहुमत संसदबाट अस्विकृत भएपछि प्रदेश १ को नाम कोशी प्रदेश पारित भएको छ ।
एमालेका प्रदेशसभा सदस्य राम राना मगरले कोसी नाम राख्ने प्रस्ताव राखेपछि सो प्रस्तावमा नेकपा एमाले, नेपाली कांग्रेस, नेकपा माओवादी केन्द्र एकै ठाउमा उभिएपछि दुइतिहाइ मतले कोशी प्रदेश पारित भएको हो ।
लामो समयदेखि माओवादी केन्द्र पहिचानको पक्षमा उभिँदै आएपनि पहिचानको आधारको नामको ढुङ्गो लाग्न नसक्ने भएपछि कोशीमा नै सहमति जनाएको हो ।
नेकपा एकीकृत समाजवादी र जनता समाजवादी पार्टीले किरात(लिम्बुवान(सगरमाथा प्रदेश नाम राख्ने प्रस्ताव बहुमतबाट अस्वीकार भएपछि एमालेका प्रदेशसभा सदस्य राम राना मगरले कोसी नाम राख्ने प्रस्ताव राखेका थिए ।
कोशी नामको पक्षमा ८२ र विपक्षमा चार मत खसेको छ। मतदानमा छ जना प्रदेशसभा सदस्यहरू अनुपस्थित भए।
कोशी प्रदेश नामाङ्करण भएकोमा पहिचान पक्षधर आदिवासी जनजाति महासंघ, किरात राई यायोक्खा लगायतको जातिय संघ संस्थाले भने घोर अपत्ति जनाएको छ । किरात नाममा आपति जनाउदै लिम्बुवान पार्टी भने यतिखेर गुमनाम रहेको छ ।
पहिचानको पक्षधरहरूले ऐतिहासिकता, सभ्यता र सस्कृति लगायतको विभिन्न पृष्ठभूमिको कारण किरात नाम छुट्टाउनै नहुने विज्ञाहरूको तर्क र रायको आधारमा आन्दोलन शुरु गर्दा जहिले लिम्बुवानको नारा ओर्लाउने कुमार लिङदेन समुहको लिम्बुवान नाम माग गर्नु नै किरात पहिचान गुम्नुको मुख्य कारण रहेको पहिचान पक्षधरको एक अभियान्तले बताउनु भयो ।
एक आपसमा सहमत नहुदा सबैको पहिचान गुमेको पहिचान पक्षधरको गुनासो छ ।
प्रदेश सभाले भने कोशी नामङ्करण भएको खुशीयालीमा प्रदेश १ मा सार्वजानिक विदा नै दिएको छ ।
