त्रिभुवन विश्वविद्यालयको आंगिक क्याम्समा अध्ययनरत बिबिएका विद्यार्थीहरूविच टियु बिबिए क्रिकेट कप असार १२ गतेदेखि सुरु हुने भएको छ ।
काठमाडौंकै पब्लिक युथ क्याम्पसको आयोजनामा प्रतियोगिता सुरु हुन लागेको हो । प्रतियोगितामा अहिलेसम्मकै धेरै टोलीको सहभागिता रहने आयोजक टोलीले जनाएको छ ।
प्रतियोगितामा २२ टोलीको सहभागिता रहेनछ । कपमा पुर्वबाट झापाको मेची बहुमुखी क्याम्पस र काठमाडौंकै मोर्डन नेपाल कलेजले पहिलोपटक सहभागिता जनाउने भएकाछन ।
प्रतियोगिताको सम्पूर्ण खेलहरू काठमाडौंको कागेश्वरी मनोहरा नगरपालिका स्थित तल्लो मुलपानी क्रिकेट मैदानमा सञ्चालन हुनेछन् ।
प्रतियोगिताको उपाधि विजेता टोलीले ९० हजार रुपैयाँ नगद पुरस्कार सहित ट्रफी, मेडल र प्रमाणपत्र प्राप्त गर्नेछन् भने उपविजेताले ४० हजार रुपैयाँ नगद, ट्रफी मेडल र प्रमाणपत्र प्राप्त गर्नेछन् ।
आयोजक इभेन्ट म्यानेजर म्यान क्यान डु का म्यानेजिङ डाइरेक्टर सुनिल थापाका अनुसार वर्षाको सिजन भएकाले एकै दिनमा ३ खेल पनि खेलाउनुपर्ने अवस्था आउन सक्ने बताउँदै टोलीहरुलाई त्यही अनुसार तयार रहन आग्रह गरेका छन् ।
आयोजक पब्लिक युथ क्याम्पसका बिबिए डाइरेक्टर राजुभाइ मानन्धरले समेत खेलमा अनुशासनको निकै महत्व हुने जनाउँदै बिबिए बाट उत्कृष्ट टिम र खेलाडी निस्कनेमा आशावादी रहेको बताउनु भयो ।
प्रतियोगिताको उद्घाटन खेलमा आयोजक पब्लिक युथ क्याम्पस र पिपल्स क्याम्पस खेल्ने छन् ।
भिडियो लिंक :
