२५ बैशाख, काठमाडौँ । संगीतलाई नै जीवन बनाएका अन्तर्राष्ट्रिय ब्लुज कलाकार अशेष डंगोलकाे महोत्सव रेष्टुरेण्ट एण्ड बार लालदरबारमा सांतगितिक धुनहरु शुक्रबार घनकिएकाे छ ।
अन्तराष्ट्रिय जगतमा अशेष डंगोल द हिमालयन हेन्ड्रिक्सकाे उपनामले चर्चित डंगोलकै समूहले दर्शककाे अनुराेधलाई ध्यानमा राखेर प्रस्तुत गरिएकाे सांगितिक कार्यक्रममा अशेष डंगाल लाई वेश गितारमा विकास श्रेष्ठ, ड्रम्समा सागर श्रेष्ठ र धिमेमा प्रतिक महर्जनले साथ दिएका थिए ।
कलाकार डंगोलले विश्वविख्यात जिम्मि हेड्रिक्सका चर्चित गीतहरु फायर, वूडू चाइल्ड, पर्पलहेज, मदि वाटर्स को हुची कुची म्यान, अल्बर्ट किंग्सकाे बाेर्न अन्दर द ब्याड साइन लगायत आफ्नै शब्द तथा रचना रहेको नेपाली गाना सुन्नुश न सुनाउनुश न, टिपु टिपू लाग्छ, इनसर्च टुवार्द्स फ्रीडम, जात्रा भाइब, काठमाडाैं भाइब तथा आफ्नै एल्बमका गीतहरु प्रस्तुत गरेका थिए ।
सो सांगितिक कार्यक्रममा ड्रम्स, गितारका साथै काठमाडौं उपत्यकाका मुलबासी ज्यापू जातिले बजाउने धिमे बाजाको ताल र बोलमा काठमाडौं भाइब, जात्रा भाइब जस्ता सांगितिक धुनले कार्यक्रममा उपस्थित दर्शकको मन जित्न सफल भएकाे थियाे ।
