इन्द्रमान मर्हजन ।
मेरो साप्ताहिक पत्रिकाको २ सय अंक पूरा भएको उपलक्ष्यमा पुरस्कार वितरण तथा विविध साँस्कृतिक कार्यक्रम आयोजना भएको छ ।
संस्कृति र इतिहास अन्तर्गतको धिमय् धुन्याँ लगायत विभिन्न साँस्कृतिक उत्कृष्ट अनुसन्धान गरे बापत श्रृजना सिंह लाई विशेष पुरस्कार बाट सम्मान गरिएको हो । उत्कृष्ट लेख लेखे बापत इतिहासविद् एवं संस्कृतिविद् मदनराम कर्माचार्य र सुर्यनारायण महर्जन लगायतलाई आयोजकले सम्मान गरेको हो ।
पत्रकारितातर्फ नृपेन्द्रलाल श्रेष्ठ, सुनिल श्रेष्ठ, सुरजविर बज्राचार्य, विजय रत्न असंलाई सम्मान गरेको हो । यसैगरि भाषा तथा साहित्यतर्फ रिदेन महर्जन, प्रशान्त डंगोल लगायतलाई सम्मान गरिएको हो।
कार्यक्रममा प्रमुख अतिथि प्रदेश संसद हरिप्रभा खड्गीले काठमाडौंको विकासका लागि काठमाडौं बासिन्दा नै एकजुट भएर लाग्नुपर्नेमा जोड दिनुभयो । यसैगरी पूर्व मेयर विद्या सुन्दर शाक्यले पनि हरेक क्षेत्रमा आज आएर अहिलेका युवा अघि नसरे साँस्कृतिक रुपले केही पनि परिवर्तन नहुने बताउनुभयो ।
कार्यक्रममा मेरो साप्ताहिक पत्रिकालाई सहयोग गरे बापत सम्पूर्ण सहयोगी दाताहरुलाई पनि विशेष सम्मान गरिएको थियो।
कार्यक्रममा वडाध्यक्ष न्हुच्छे काजी महर्जन र वडाध्यक्ष इश्वरमान डंगोल लगायतको उपस्थिति थियो ।
