भक्तपुरको गठ्ठाघरमा भएको दुर्घटनामा मृत्यु भएका व्यक्तिको पहिचान खुलेको छ ।
जिल्ला प्रहरी परिसर भक्तपुरको प्रवक्ता प्रहरी नायब उपरीक्षक राजन कार्कीले विज्ञप्तिमा भुलबस २५ वर्षको महिला भनि गलत सुचना सार्वजानिक भएको र दुर्घनामा परि मृत्यू हुने ओखलढुङ्गा छहरेको उक्तम कोइराला पुष्टि भएको बताउनु भयो ।
दुघटनापछि प्रारम्भिक अनुसन्धानको क्रममा स्कुटरमा ब्लुबुक फेला परेको र त्यसैको आधार थप अनुसधान गर्दा मृतक कपन काठमाण्डौँ निवासी ५४ वर्षीय उक्तम कोइराला रहेको खुलेको प्रवक्ता कार्कीले बताउनु भयो । मृतक कोइराला सहीद महेश कोइरालाको सहोदर भाइ रहेको बताइएको छ ।
बिहीबार दिउँस कोटेश्वरबाट भक्तपुर जाँदै गरेको ना६ख २१७३ नम्बरको ट्रकले बा४९प ८९४४ नम्बरको स्कुटरलाई ठक्कर दिँदा ती व्यक्तिको घटनास्थलमै मृत्यु भएको थियो।
प्रत्यक्षदर्शीका अनुसार ट्रकले ती व्यक्तिलाई घिसार्दै परसम्म पुर्याएको थियो। उक्त घटनापछि गठ्ठाघर क्षेत्र तनावग्रस्त बनेको थियो।
ट्रक चालक सर्लाहीका ३२ वर्षीय सतेन्द्र श्रेष्ठ प्रहरी नियन्त्रणमा रहेका छन्। मृतको सब पोष्टमार्टमको लागि शिक्षण अस्पताल पठाइएको र थप अनुसन्धान भइरेहको प्रहरीले जनाएको छ ।
