असोज १२, काठमाडौँ। ‘नेपालमा समृद्धि अभियान’को आयोजनामा आगामी असोज २४ गते शनिबार काठमाडौँमा ‘मैले भन्नु छ’ शीर्षकमा बृहत् सार्वजनिक बहस कार्यक्रम हुने भएको छ।
‘शिथिल अर्थतन्त्र, तीव्र विकासको अपेक्षा: अभ्यासको मार्गचित्र’ भन्ने मुख्य विषयमा केन्द्रित रहेर आयोजना गर्न लागिएको उक्त कार्यक्रम कमलादीस्थित नेपाल प्रज्ञा-प्रतिष्ठानको पारिजात हलमा दिउँसो १२:३० बजेदेखि सञ्चालन हुनेछ।
अभियानका संयोजक परिवर्तन भट्टराई ‘कृति’का अनुसार कार्यक्रममा विज्ञहरूसँगै आम नागरिकले समेत मुलुकको अर्थतन्त्र र विकासका विषयमा आफ्ना धारणा राख्न पाउनेछन्। सहभागिता जनाउने नागरिकहरूका लागि प्रतिव्यक्ति ५ मिनेटको समय सीमा निर्धारण गरिएको छ।
अभियानमा संगीतकार तथा गायक रमेश खड्का, समाजिक अभियन्ता विमला पुरी लगायतका प्रभुत्व व्यक्तित्वहरू आबद्धछन ।
३ वर्षदेखि निरन्तर नीतिगत बहस र पैरवी
‘नेपालमा समृद्धि अभियान’ले विगत तीन वर्षदेखि विभिन्न क्षेत्रका विज्ञहरूसँग निरन्तर परामर्श, छलफल तथा नीतिगत पैरवी गर्दै आएको छ। अभियानले प्रत्येक दुई-दुई महिनामा विभिन्न समसामयिक विषयमा सार्वजनिक बहस आयोजना गर्दै आइरहेकोछ।
यस्ता बहस र परामर्शबाट निस्किएका निष्कर्षहरूलाई एकीकृत गरी सरकारलाई नीतिगत सुझावका रूपमा कार्यपत्र बुझाउने गरिएको अभियानले जनाएको छ।
आगामी असोज २४ गते हुने कार्यक्रममा उपस्थित भई अर्थतन्त्रका सुधार र विकासका सम्भावनामाथि आफ्ना महत्त्वपूर्ण विचार राखिदिन अभियानका संयोजक परिवर्तन भट्टराई ‘कृति’ले सम्पूर्ण आम नागरिकलाई हार्दिक आह्वान गर्नुभएको छ।
कार्यक्रमको विवरणः
मिति: असोज २४ गते, शनिबार
समय: दिउँसो १२ः३० बजे
स्थान: नेपाल प्रज्ञा–प्रतिष्ठान, पारिजात हल, कमलादी, काठमाडौं
विषय: ‘शिथिल अर्थतन्त्र, तीव्र विकासको अपेक्षाः अभ्यासको मार्गचित्र’
— परिवर्तन भट्टराई ‘कृति’
संयोजक, नेपालमा समृद्धि अभियान
