रश्मी राईको उपचार सहयोगमा जुटदै समुदाय

March 23, 2021 Everest News समाचार 0

एभरेष्ट संवाददाता ।

चैत्र १०, काठमाण्डौँ ।
गत सोमबार तातो कटमा डुबेर गम्भिर घाइते ३ वर्षीय नाबालिका रश्मी राईको उपचार सहयोगको निम्ति लिब्जु होल्माफू युवा क्लबले सकृयतापूर्वक सहयोगको अपिल गरेपछि समग्र समुदाय नै रश्मी राईको जिवन बचाउ अभियानमा लागीपरेको क्लबको आर्थिक संयोजक रुद्र राईले बताए ।

खेती किसान गरेर सामान्य जीवन यापन गरेर बसेका रामकृष्ण राईले छोरीको घटनाले उपचारको लागि काठमाण्डौँ ( नौलो शहरमा) आउनु मेरो लागि ठुलो सास्ती भएपनि आफ्नै गाउको क्लब तथा सबै समुदायको सकृय सहयोगले छोरीको उपचार सहज बन्दै गएको बताए ।

रगत, आर्थिक लगायत विविध समस्यले छोरीको उपचार नहुने पिरले शुरुमा धेरै मानसिक तनाब भएपनि हाल सबै समुदायको सहयोगले छोरीको उपचार हुन्छ भन्ने लागेकोले क्लब तथा समग्र सहयोगीहरूप्रति अभारी रहेको बताए ।

विशेष आपतकालिन अबस्था आइपरेकोले घाइतेको उपचारमा कुनै कमी नहोस भन्ने हेतुले तत्कालै रु १ लाख रकमको कोष खडागरि आवश्यता अनुसार रकम घाइते नाबालिकाको बुबा रामकृष्ण राईलाई हस्तान्तरण गरिएको कोषाध्यक्ष बडाजित राईले बताउनु भयो ।

शुरुको दिनमा धेरै कठिनाइ भएपनि विस्तारै उपचारमा सहज बन्दै गएको घाइतेका काका घमन राईले बताए ।

रक्त बैंकमा रगत अभाव भइरहेको बेला ताजा रगत चाहिने चिकित्सकले बताएपछि आफु अलमल्लमा परेको बेला समाचार सम्प्रेण हुन साथ जीवनदानीहरू रगत हामी दिन्छौ भन्दै सम्पर्कमा आउन थालेपछि हामीलाई ठूलो राहत मिलेको क्लबको सकृय सदस्य अमित राईले बताए ।

शरिरको पुरै भाग जलेको कारण किस्तामा स्कीन सर्जरी गर्नु परेकोले धेरै रगत अबश्यक पर्ने तथा आर्थिक खर्च पनि धेरै हुने चिकित्सकले बताएको क्लबका सचिव रामकुमार राईले बताए ।

हप्तामा तीन पटक सम्म अपरेशन गर्नुपर्ने, औषधी पसल समेत अस्पताल भित्र नरहेको, रगत र आर्थिक लगायत व्यवस्थापनमा हरेक दिन ६ जना रश्मी राईको उपचारमा खटिएको क्लबको भवन संयोजक हर्कराज राईले बताए ।

नाबालिकाको उपचारको लागि सबै क्षेत्रबाट विशेष पहल गरिएको प्रहरी निरिक्षक टिकाराम राईले बताए ।

घाइतेको अबस्था गम्भिर बुझेपछि वाम्रास केन्द्रले समेत सहयोगको अपिल गरेको छ । महासचिव जिवन हाताचोको हस्ताक्षर रहेको अपिल पत्रमा सबैलाई रश्मी राईको उपचारमा सहयोग लागि आग्रह गरिएको पत्र वाम्रासको आधिकारिक गु्रपमा सम्प्रेषण गरेको छ ।