प्रधानमन्त्रीलाई बिगेसोको ध्यानाकर्षण पत्र ।

परराष्ट्रविद् हिरण्यलाल श्रेष्ठ, नेता परि थापा, बिगेसोको सभापति पदमसुन्दर लिम्बु, अधिबक्ता फडिन्द्र कार्की, सञ्चारकर्मी तथा चलचचित्र निर्देशक चन्द्र वाम्बुले, यसैगरि सिङ्गापुर विभागका कार्यबाहाक प्रमुख मणिकुमार सुनुवार, उपाध्यक्ष गुमनबहादुर पुन, उपाध्यक्ष युवराज गुरुङ, सचिव ज्ञानबहादुर गुरुङ, कोषाध्यक्ष उत्तमकुमार सुनुवार लगायतको टोलीले सिङ्गापुरमा कार्यरत गोर्खाज (नेपाली)हरूले भोगेको असमानता बारे जानकारी दिँदै ज्ञापन पत्र बुझाएका हुन ।

ज्ञापन पत्रमा बेलायत–भारत–नेपालबिच भएको सन् १९४७ को त्रिपक्षीय सन्धि अन्तर्गत सिङ्गापुर गोर्खा प्रहरीमा भर्ती भई निष्पक्ष, ईमान्दार, अनुशासित र बफादार गोर्खा प्रहरीको रुपमा सिङ्गापुरको सेवा गरेको ७४ वर्ष पुग्दा समेत सिङ्गापुरमा कार्यरत नेपालीले राष्ट्रियता र जातियताको आधारमा चरम विभेद भएको उल्लेख छ ।

समान पद र कार्यक्षमता भएका वीच पनि फरक तलब सुविधा, दुर्घटना विमा, पेन्सन, विधुवा पेन्सन, स्वस्थ्य उपचार लगायतको सुविधाहरू समान पाउनुपर्ने माग सहित ज्ञापन पत्र बुझाइएको का.बा. प्रमुख सुनुवारले बताउनु भयो ।

१९४७ मा बेलायत–भारत–नेपालबिच भएको विभेदकारी त्रिपक्षीय असमान सन्धिको कारण बेलायतले सिङ्गापुरको लागि भर्ती गरेको हो र आजसम्म पनि सिङ्गापुर प्रहरी फोर्समा काम गर्ने गोर्खाहरूको भर्ती, तालिम, तलब, पेन्सन तथा अन्य सेवा सुविधा आदिको व्यवस्थापन बेलायत सरकारले नै गर्ने गरेकोले यो नेपाल र सिङ्गापुर दुबै देशको हित विपरित रहेकोले र नेपालको राष्ट्रियता र राष्ट्रिय स्वाधीनता माथि नै आँच पु¥याउने कार्य भएकोले नेपालले तत्काले सिङ्गापुरसंग वार्ता गरि यसको समधान खोज्न जरुरत रहेककोले सरकारको ध्यानकार्षणको लागि ज्ञापन पत्र बुझाइएको प्रा.डा. ओम गुरुङले बताउनु भयो ।

परराष्ट्रविद् हिरण्यलाल श्रेष्ठले आफु संसदको परराष्ट्र तथा मानव समितिको सभापति हुँदा नै गम्भिरतापुर्वक लिंदै अध्ययन र अनुसन्धान गरि सरकारलाई यो विषय जटिल रहेकोले तत्कालै समाधानकोलागि पहल गरिनुपर्ने सुझाब पेश गरेको बताउनु भयो ।

नेता परि थापाले नेपाली युवाहरूले सिङ्गापुरका शान्ति सुरक्षा कायम गरेबापत अझ थप पुरस्कार र इनाम पाउनुपर्ने बेला विभेद गर्नु साह्रै ठुलो अन्याय र अमानवीय भएको बताउनु भयो ।

त्रिपक्षीय सन्धिमार्फत नेपालसंग कुनै सम्झौता नै नगरि नेपाली युवालाई सिङ्गापुरको शान्ति सुरक्षामा खटाएर ब्रिटिशले बिचौलिय कार्य गर्नु मानव तस्कारी रहेको विगेसोको सभापति पदमसुन्दर लिम्बुले बताए ।