मातृभाषी पुरस्कार कवि थुलुङलाई

वाम्बुले जातिको भाषा, कला, सस्कार र सस्कृति प्रवद्र्धन गर्ने उदेश्यले स्थापना भएको ‘लिब्जु–भुम्जु पुरस्कार’ कवि एमबी थुलुङलाई प्रदान गरिएको हो ।

राष्ट्रगान सर्जक व्याकुल माइलाको प्रमुख अतिथिमा चासुवा रेष्टुरेन्ट सातदोबाटोमा कार्यक्रमको आयोजना गरि पुरस्कार प्रदान गरिएको हो ।

स्रष्टा थुलुङले वैदेशिक रोजगारीमा रहँदा समय अभावको वाबजुद एक शब्द, दुइ शब्द गर्दै गीत, कविता लेखेको बताउनु भयो ।

कार्यक्रममा प्रमुख अथिति सर्जक माइलाले थुलुङले भ्याइनभ्याइ कविता, गीत लेखेर पुरस्कृत हुनु भयो । हामी फुर्सद भएर पनि केही नलेखेर पछि परेको भन्दै व्याङ्ग्य पाराले साहित्यिक क्षेत्रमा लाग्नु पर्ने बतानु भयो ।

नेपाल टेलिभिजनका समाचार प्रमुख, बरिष्ठ समाचार सम्पादक तथा गीतकार पुष्पहरि क्याम्पा राईले २०५५ सालमा ‘लिब्जु–भुम्जु पुरस्कार’ स्थापना गरि हरेक वर्ष पुुरस्कार वितरण गर्दै आउनु भएको हो ।

वाम्बुले आफ्नो मातृभाषा भएको र आफुले गीत लेखेर जितेको पुरस्कार रकमबाट कोष खडा गरेको बरिष्ठ समाचार सम्पादक राईले बताउनु भयो ।

मातृभाषा प्रवद्र्धन गर्ने उदेश्यले २० हजार राशीको अक्षयकोष खडागरि स्थापना गर्नु भएको पुरस्कार, यस वर्षबाट ५० हजार रुपैया राशीको बनाउने समेत घोषणा गर्नु भयो ।

कोषकार अविनाथ राईको संयोजकमा गठन भएको पुरस्कार छनोट समितिले २०७७ सालको ‘लिब्जु–भुम्जु पुरस्कार’ स्रष्टा एमबी थुलुङ राईलाई प्रदान गर्ने निर्णय गरेको हो ।

पुरस्कार वाम्बुले राई भाषाको ‘लिब्जु–भुम्जु’ त्रैमासिक पत्रिकामा वर्षभरि छापिएका कविता, गीत मध्ये उत्कृष्ट एक रचनालाई प्रदान गरिदै आएको हो । थुलुङ २० औँ पुरस्कृत स्रष्टा भएको लिब्जु भुम्जु पत्रिकाको प्रकाशक तथा सम्पादक गणेश राईले बताउनु भयो ।

कार्यक्रममा पुरस्कृत गीतको गायक राज राई र गायिका एलिना राईलाई समेत सम्मान गरियो । वाम्बुले भाषा र साहित्यलाई फराकिलो बनाउने उदेश्यले लेखक जुनसुकै जाती, भाषी भए पनि वाम्बुले भाषामा प्रकाशित उत्कृष्ट रचनालाई पुुरस्कृति गर्ने निर्णय भएको सम्पादक राईले बताउनु भयो ।

२०४८ सालबाट वाम्बुले भाषा र साहित्यलाई निरन्तर जोडदिँदैद आउनु भएको सम्पादक राईले शुरुको चरणमा निकै हण्डर व्याहोर्नु परेको समेत बताउनु भयो ।

वाम्बुले भाषाको कविता लेखनबाट भाषाको संरक्षण र प्रवद्र्धनको लागि कलम चालेको राई, वाम्बुले राई समाजको संस्थापक सदस्य र महासविच हुँदै हाल संस्थाको केन्द्रिय उपाध्यक्ष हुन ।

कान्तिपुर दैनिकको बरिष्ठ उप–सम्पादक राई कार्यसम्पादनबाट बचेको समय मातृभाषा प्रवद्र्धनमा लागीपरेको वाम्बुले अग्रज पुस्ता हुन ।

कार्यक्रममा शुभलाभ सहकारी संस्थाका अध्यक्ष तिखवीर राई, वाम्रास केन्द्रीय सचिव विकास सौगत, चलचित्र निर्देशक तथा सञ्चारकर्मी चन्द्र वाम्बुले, सञ्चारकर्मी श्याम राई, ओखलढुङ्गा समाज दक्षिण कोरियको उपाध्यक्ष पचुराम राई, मान राई, विष्णु राई, ज्ञानु राई लगायतको उपस्थिति रहेको थियो ।

. . . . . . . . . . . . . . . . . . . . . . . . . . . . . . . . . . . . . . . . . . . . .

तपाईसँग समसामयिक सन्दर्भमा कुनै लेख\रचना, समाचार, प्रेसनोटहरु, सल्लाह, सुझाव र प्रतिक्रिया भएमा हामीलाई पठाउनु होला।