नवप्रतिभालाई उजागरण गर्ने उदेश्यको साथ गत पुष महिनाको पहिलो हप्ताबाट प्रारम्भ भएको कागेश्वरी आइडलको आन्तिम चरण अर्थात ग्राण्ड फिनाले आगमी माघ २७ गते शुक्रबार राष्ट्रिय नाचघर जमलमा सम्पन्न हुने भएको छ ।
विशेष गरि विद्यार्थीहरूलाई लक्षित गरि सञ्चालन गरिएको आइडल आगमी दिनमा देश भरि नै सञ्चालन गर्ने अभियानमा रहेको आयोजक कबिन राईले बताउनु भयो ।
कलाको माध्यमबाट देश विदेशमा पहिचान बनाउने तथा कलाकारिता र सृजनाको माध्यमबाट समाज तथा देशको लागि योगदान दिने खालको प्रतिभाको खोजिको लागि यो कार्यक्रममको आयोजना गरिएको सनराइज डान्स स्टुडियोको निर्देशक टार्जन राईले बताउनु भयो ।
विद्यार्थीहरूको भलाईको लागि कार्यक्रमको आयोजना गरिएकोले कार्यक्रमको प्रारम्भिक चरणबाट नै विभूति पाठशालाले अहमभूमिका निर्वाह गर्दै आएको तथा अन्तिम चरणको लागि प्रायोजन समेत गरेको छ ।
कार्यक्रम इच्छुक आम दर्शकले हेर्न पाउन भन्ने उदेश्यले प्रवेश निःशुल्क गरिएको छ ।
