विपन्न वर्गमाथि सरकारको क्रुरता

दुर्घटनामा परि काँध भाचिएर अशक्त भइकी लम्जुङको शर्मिला तामाङको गाडा काठमाण्डौ महानगर पालिकाले नियर्दपूर्वक खोसेको भिडियो सामाजिक सञ्जालमा भाइरल भएपछि पिडित महिलाको उद्धारमा सहयोगीदाताहरू जुटेकाछन ।

गत बिहिबार थापाथली स्थित प्रसुतिगृहको गेटमा पानीपुरी बेच्दै गरेको तामाङको गाडा महानगरले खोसेपछि रुँदै अनुनय विनय गर्दा पनि महानगरले नछोडेको भिडियो सामाजिक सञ्जालमा भाइरल भएपछि धरानको मेयर हर्क साम्पाङले एक महिनाको तलब रकम दिने घोषण गरेका थिए ।

यसैगरि बेलायतमा रहेका इशामाया गुरुङले रु २० हजार रकम समाजसेवी तुलसी श्रेष्ठको हातबाट तत्कालै हस्तान्तरण गरेका थिए । त्यस पश्चात लबराज श्रेष्ठबाट रु २० हजार, नेपाल बानबाट रु १० हजार, सुमन लामाबाट रु ५ हजार र प्रकाश चौलागाइबाट रु १५ सय रुकम इशामाया तामाङ मार्फत पठाइने बताइएको छ ।

यसैगरि उत्सव ढकालले रु ५० हजार र चेतन गिरिले पनि रु ५० हजार रकम सहयोग गर्ने सामाजिक सञ्जाल फेसबुक मार्फत जानकारी गराएकाछन ।

चुरे उत्थानशील आयोजनाका प्रमुख राजेन्द्र के.सी.ले पिडित महिला मञ्जुर भएमा मासिक २२ हजार तलब सुविधा पाउनेगरि कार्यालय सहयोगी पदमा नियुक्त दिने बताएकाछन ।

पिडित महिलाको करुणिक भिडियो सार्वजानिक हुन साथ एक वर्षको लागि सटर भाडा तिरिदिने र बच्चालाई पढाइ दिने सम्मको सहयोगीहरू जुटिसकेको सामाजिक अभियन्त भिम उपाध्यले समाजिक सञ्जाल मार्फत जानकारी गराउनु भयो ।

पिडित तामाङको खोसिएको गाडा समेत विदेशमा बस्ने नेपालीले किनिदिएको थिए । ४ जनाको आमा तामाङ ठेला जोगाउन आफ्नो २ वर्षीय काखे बालकलाई सडकमै छाडेर भकानिदै ठेलामा झुण्डिदा समेत महानगरले निदर्यपूर्वक ठेला खोसेका थियो ।

उपचारको लागि काठमाण्डौ आएकी तामाङ श्रीमान भने गाउमा नै मजदुरी गर्छन । पिडित महिला तामाङ सुकुम्बासी बस्तिमा आफन्तको साहारमा टहरमा बस्दै आएकी छिन ।
उनको काँधमा राखेको स्टिल भने केडिसी अस्पताल बसुन्धरा, धपासीका डा. बुद्धिमान श्रेष्ठले निःशुल्क निकालिदिने प्रतिबद्धता व्यक्त गरेको छन ।

महानपालिकाका मेयर बालेन शाह भने पत्नि सविना काफ्लेसंग लण्डन पप दरबार मार्गमा मस्त रमाइरहेको भिडियो यतिबेला समाजिक सञ्जालमा भाइरल भइरहेको छ ।

. . . . . . . . . . . . . . . . . . . . . . . . . . . . . . . . . . . . . . . . . . .

तपाईसँग समसामयिक सन्दर्भमा कुनै लेख\रचना, समाचार, प्रेसनोटहरु, सल्लाह, सुझाव र प्रतिक्रिया भएमा हामीलाई पठाउनु होला।