आमचोक गाउ पालिका वडा नं ९, दुमाना, भोजपुरको श्रीकुमार राईले श्रीमति र छोराछोरी हुँदाहुदै दोस्रो विवाह गरेपछि परिवार विचल्नीमा परेको स्नातक तहमा अध्ययनरत जेठी छोरीले भक्कानिदै बताइन ।
परिवारलाई सुख र शान्ति दिन्छु भन्दै विदेशीएका बुबा केही वर्षदेखि सम्पर्क विहीन भयो । लामो समय सम्पर्क विहीन बुबा केही दिनअघि अर्कै विहेगरि कान्छी श्रीमतिसंग बसेको र कान्छीपट्टि पनि एक सन्तान भइसकेको खबरले हामीलाई स्तब्ध बनाएको भन्दै जेठीछोरीले विलौना गरिन ।
हाम्रो बाबाले हामीलाई किन यसरी जिउदै टुहुरा बनाएको बरु दोस्रो विहे नगरि नछोड्ने भए सम्पर्कमा आएर ममीसंग सम्बन्ध विच्छेद गरेर अर्को विहे गरेको भए हामी कम्तिमा यत्रौ वर्षसम्म बुबाको आश र यादमा बस्ने थिएनौ भन्दै छोरी भावुक बनिन ।
काठमाण्डौँ धुम्बाराहीमा खाजा पसल सञ्चाल गरेर श्रीमती र २ सन्तानको साथ रहेको श्रीकुमार विदेश गएर कमाएपछि राम्रो र गुणस्तरिय शिक्षा दिलाउने तथा श्रीमतिलाई पनि हासीखुशी राख्ने बाचाको साथ विदेशीएको थिए ।
सपरिवारलाई सुखसयल दिन्छु भनेर हिडेको बाबा केही वर्षपछि एकाएक सम्पर्क विहीन मात्रै भएन । एक्कासी हामीलाई खबर नै नगरि कान्छी श्रीमती लिएर गाउ पुगेको खबरले हामीलाई मर्यतुल्या बनाएका जेठीछोरीले आसु पुछ्दै बताइन ।
वैदेशीक रोजगारीमा गएको श्रीकुमार राई गाउकै चिनजानको कल्पना विष्टसंग हिमजिम बढ्दै गएपछि परिवारबाट टाढिँदै दोस्रो विवाह गरि एक सन्तान समेत जन्म भइसकेको स्रोतबाट खुलेको छ ।
साचो कुरा के हो र सरसल्लाहको लागि परिवारजनले सम्पर्कको लागि खोजी गर्दा पनि सम्पर्कमा नआएपछि जेठी श्रीमतीले बहुबविवाह मुद्धा दर्ता गर्न बाध्य भएको पिडित जेठी श्रीमतिले बताउनु भयो ।
बहुबिवाहमा किटानी जाहेरी दर्ता गरेपछि प्रहरीको फरार सूचिमा रहेको श्रीकुमार राई र कल्पना विष्टलाई प्रहरीले तिब्र रुपमा खोजी गरिरहेको प्रहरी स्रोतले जनाएको छ ।
उनीहरू काठमाण्डौँको सामाखुशीमा डेरागरि बसेको र गाउ गएर फर्किन साथ गत शनिबारबाट फरार रहेका छन ।
बैदेशीक रोजगारीबाट छुट्टीमा आएको श्रीकुमार राईको फिर्ती भिषा समेत अध्यगमन विभागमा रोक्का गरिएको पिडित जेठी श्रीमति राईले बताउनु भयो ।
जहा र जति भागेपनि कानुनी प्रकृयामा एक न एक दिन पक्राउ पर्नेमा ढुक्क रहेको पिडित जेठी श्रीमति तथा छोराछोरीको बताउछन ।
दोस्रो विवाह गरेको साचो ठहरीएमा एक वर्षदेखि ५ वर्षसम्म कैद तथा १० हजारदेखि ५० हजार रुपैयासम्म जरिवना तथा दोस्रो विहे स्वतः बदर हुने कानुनी प्रावधान रहेको अधिवक्ता कुमार जेरोले बताउनु भयो ।
प्रहरीले पक्राउ गर्नुपूर्व परिवारको सम्पर्कमा आएर सहमति गरे जाहेरी फिर्ता लिने पिडित जेठी श्रीमतीले बताउनु भयो ।
श्रीकुमार राईलाई सम्पर्कमा ल्याएर छलफल गराएर सहमतिबाट समाधान गर्न पहल गरिरहेको पिडित जेठी श्रीमती पक्षका कानुनी सल्लाहकार अधिवक्ता कुमार जेरोले बताउनु भयो ।
भोजपुरको कल्पना विष्ट आमा बुबासंगै उदयपुरको बसाहामा बसाईसराई आएको र सुरेस तामाङसंग विवाह गरि सुरेस तामाङपट्टि १ छोरा र १ छोरीछन । विष्टको तामाङ श्रीमानपट्टिको छोरा नेपाली सेनामा कार्यरतछन भने १८ वर्षको छोरी अध्ययनरतछिन ।
विष्टको श्रीकुमार राईसंग सम्बन्ध बढेपछि श्रीमान सुरेस तामाङसंग झैझगडा भइ छुट्टाछुट्टै बसोबास गरेपनि श्रीमती विष्ट र तामाङवीच सम्बन्ध विच्छेद नभएकोले तामाङ श्रीमानले समेत कल्पनाले दोस्रो विवाह गरेको जानकारी पाएपछि बहुविवाहमा जाहेरी हाल्ने जनाएको छ ।
